L'Academia Aragonesa de la Lengua ha aprebau, en os zaguers meses, la firma de convenios de colaboración con diversas entidaz locals aragonesas, con l'obchectivo de fomentar l'uso, la protección y la promoción d'as luengas propias d'Aragón. Lo pasau 22 de deciembre se formalizoron los convenios con a Comarca de Sobrarbe y los concellos de l'Aínsa-Sobrarbe y Estadilla.
[+]
L'Academia Aragonesa de la Lengua ha lanzau lo primer volumen d'a suya nueva publicación cientifica, la Revista de l'Academia Aragonesa de la Lengua (RAAL). Esta revista, d'acceso ubierto y revisada per pars, naix con l'obchectivo de promover la investigación y lo debat cientifico sobre l'aragonés y lo catalán en aragón, mirando de fomentar la suya dignificación y normalización. Lo volumen inaugural, ya disponible en linia y dirichiu per Javier Giralt Latorre, reúne un conchunto d'estudios de reconoixius especialistas que abracan disciplinas como la sociolingüistica, la paremiolochía, la dialectolochía, la lexicografía, la toponimia y la fonetica diacronica d'as luengas propias d'Aragón.
[+]
Lo Congreso d'os Deputaus, en colaboración con o Ministerio de Cultura d'o Gubierno d'Espanya van commemorar lo pasau chueves 26 de setiembre lo Día Europeu d'as Luengas con un acto de reconoixencia a lo plurilingüismo en Espanya en que participoron representants de totas las academias d'as luengas oficials y estatutarias.
[+]
L’Institut d’Estudis del Baix Cinca, centro colaborador de l’Instituto de Estudios Altoaragoneses, va celebrar lo pasau sabado 21 de febrero en Vilella de Cinca la gala anual d'a entidat. L'acto se fació en o local social d'a localidat, coincidindo con a celebración d'o día d'a Lengua Materna, y estió adedicau a la memoria de l'historiador fragatino Joaquín Salleras. Lo premio "Franja: cultura i territori 2025", atorgau per Iniciativa Cultural de la Franja, reconoixió a l’Academia Aragonesa de la Lengua per la suya fayena en a preservación d'as luengas minorizadas d'Aragón y en a defensa d'o patrimonio lingüistico y cultural, siempre dende la rigurosidat cientifica.
[+]
L'Academia Aragonesa de la Lengua organizó lo 18 de febrero la primer edición de "Voces d’Aragón - Veus d’Aragó”, adedicada a lo poeta, escritor y academico Ánchel Conte, baixo lo lema "La voz que no s’amortará", en o marco d'os actos de celebración d'o Día Internacional d'a Luenga Materna. L'acto se fació en l'Aula Magna d'o Paraninfo d'a Universidat de Zaragoza.
[+]
L'Academia Aragonesa de la Lengua organiza lo 18 de febrero venient la I edición de “Voces d’Aragón - Veus d’Aragó”, adedicada estianyo a lo poeta y escritor Ánchel Conte, baixo lo lema “La voz que no s’amortará”, que s'abanza a los actos de celebración d'o Día Internacional d'a Luenga Materna. L'acto se fará en l'Aula Magna d'o Paraninfo d'a Universidat de Zaragoza, a partir d'as 16:30 horas.
[+]
O pasau mes de noviembre, os días 3, 4 e 5, se celebró en a ciudat d’Uviéu (Asturias), en o marco incomparable d’o Edificio Historico d’a suya Universidat, a 43a edición d’as Xornaes Internacionales d’Estudiu organizadas por l’Academia de la Llingua Asturiana e dirichidas por Ana María Cano e María del Carmen Muñiz. As tematicas d’as ponencias e as comunicacions presentadas fueron muito variadas, fundamentalment relacionadas con l’asturiano e a suya literatura. En ixa mesma semana, d’o 7 a o 10 de noviembre, se celebroron en Uviéu e Pravia as XXV Jornadas Literarias organizadas por l’Asociación de Escritores y Escritoras de Asturias, presidida por Mª Esther García López, con o lema “La función social de la literatura”.
[+]