Lo 9 de mayo se celebró en Tarazona a Chornada de Lexicografía Historica de l'Aragonés, organizada por lo Centro de Estudios Turiasonenses. Lo secretario de l’Academia Aragonesa de la Lengua y director de l’Instituto de l’Aragonés, Juan Pablo Martínez, participó en a chornada en representación d’a institución.
[+]
Lo Concello de Mequinensa y l'Academia Aragonesa de la Lengua (AAL) han sinyau un alcuerdo de colaboración pa enfortir la protección, l'uso y a promoción d'o catalán en o municipio. Este ye lo primer alcuerdo que l'Academia ha sinyau con un municipio de fabla catalana en Aragón. Dica agora, a institución heba formalizau acuerdos con cuantos concellos y comarcas pa promover a protección y promoción de l'aragonés.
[+]
L'academico José Ramón Bada Panillo morió ahiere, 9 de chuliol de 2026. Bada heba estau miembro de l'institución normativa dende la suya creyación, en estar nombrau academico de numero per lo Decreto 122/2021 de 29 de chuliol d'o Gubierno d'Aragón, per lo cual se nombraban los primers academicos de numero de l'Academia Aragonesa de la Lengua. Yera miembro de l'Institut Aragonès del Català.
[+]
Lo president y lo secretario de l'Academia Aragonesa de la Lengua, Javier Giralt y Juan Pablo Martínez, se reunioron lo 25 de febrero con a Chusticia d'Aragón, Concepción Gimeno Gracia, en o Palacio de Armijo, la siede d'esta zaguera institución. Lo motivo d'a reunión estió presentar l'Academia y la suya fayena a la nueva titular d'o Chusticiau y refirmar l'acuerdo sinyau en 2023 entre las dos institucions pa fomentar la protección y promoción d'as luengas y modalidaz lingüisticas propias d'a comunidat autonoma. Tamién s'acordó que l'Academia continará asesorando a lo Chusticiau sobre afers relacionaus con a realidat lingüistica d'Aragón y se parló sobre futuras actividaz conchuntas.
[+]
L’Institut d’Estudis del Baix Cinca, centro colaborador de l’Instituto de Estudios Altoaragoneses, va celebrar lo pasau sabado 21 de febrero en Vilella de Cinca la gala anual d'a entidat. L'acto se fació en o local social d'a localidat, coincidindo con a celebración d'o día d'a Lengua Materna, y estió adedicau a la memoria de l'historiador fragatino Joaquín Salleras. Lo premio "Franja: cultura i territori 2025", atorgau per Iniciativa Cultural de la Franja, reconoixió a l’Academia Aragonesa de la Lengua per la suya fayena en a preservación d'as luengas minorizadas d'Aragón y en a defensa d'o patrimonio lingüistico y cultural, siempre dende la rigurosidat cientifica.
[+]
L'Academia Aragonesa de la Lengua organizó lo 18 de febrero la primer edición de "Voces d’Aragón - Veus d’Aragó”, adedicada a lo poeta, escritor y academico Ánchel Conte, baixo lo lema "La voz que no s’amortará", en o marco d'os actos de celebración d'o Día Internacional d'a Luenga Materna. L'acto se fació en l'Aula Magna d'o Paraninfo d'a Universidat de Zaragoza.
[+]
L'Academia Aragonesa de la Lengua organiza lo 18 de febrero venient la I edición de “Voces d’Aragón - Veus d’Aragó”, adedicada estianyo a lo poeta y escritor Ánchel Conte, baixo lo lema “La voz que no s’amortará”, que s'abanza a los actos de celebración d'o Día Internacional d'a Luenga Materna. L'acto se fará en l'Aula Magna d'o Paraninfo d'a Universidat de Zaragoza, a partir d'as 16:30 horas.
[+]