Visita de l'AAL a l'Acadèmia Valenciana de la Llengua y reunión de treballo con motivo d'a inauguración d'o curso academico.

Lo pasau 17 d'octubre, una delegación de miembros de l'Academia de la Lengua Aragonesa (AAL) va asistir a l'acto d'inauguración de l'anyo academico 2025–2026 de l'Acadèmia Valenciana de la Llengua (AVL), celebrada en Valencia, en un acto presidiu per la Ministra de Ciencia, Innovación y Universidaz, Diana Morant. 

Entre los representants aragoneses yeran lo suyo president, lo secretario y la tresorera, qui van saludar a los responsables de l'AVL y van participar en o programa protocolario chunto con atras institucions academicas. Esta presencia refuerza los vinclos de colaboración y dialogo entre las dos corporacions en l'ambito d'as luengas propias y d'o treballo normativo, docent y divulgativo.

Dimpués de l'acto protocolario, la delegación l'AAL celebró una reunión de treballo con a presidenta de l'AVL, Verònica Cantó, lo secretario cheneral, Agustí Colomer, y lo chefe d'a Unidat de Recursos Lingüisticos y Tecnicos, Josep Lacreu, en a cual debatioron sobre lo estau d'os prochectos d'as dos academias y las posibilidaz de colaboración. Especificament, l'AVL s'ufrió a compartir lo codigo fuent d'as suyas ferramientas lexicograficas con l'AAL pa que esta pueda desenrollar ferramientas semellants en o marco d'os suyos propios prochectos lexicograficos.

La reunión remató con una invitación d'o president de l'AAL a que una delegación de l'AVL faga proximament una visita a la institución aragonesa.