Ya ye en linia la primer publicación de l'Academia, la Ortografía de l'aragonés.

L'Academia inaugura la suya colección de publicacions con a edición d'a Ortografía de l'aragonés. Esta edición, que ha contau con a colaboración d'o Gubierno d'Aragón, replega lo texto d'a norma ortografica oficial pa la escritura de l'aragonés, aprebau lo pasau 3 d'abril per lo Pleno de l'AAL a propuesta de l'Instituto de l'Aragonés. La publicación dichital d'a Ortografía complementa la edición que l'Academia n'ha feito en paper, y que se meterá a disposición d'as institucions, bibliotecas y entidaz interesadas.

Lo volumen ye adedicau especialment a la memoria de l'historiador y escritor Ánchel Conte Cazcarro, primer director de l'Instituto de l'Aragonés y president d'a suya Comisión de Grafía. Ánchel pasó abant lo zaguer 22 de noviembre,  mientres se yera aprestando la edición d'esta obra, d'a cual tan argüelloso se'n sentiba.