L'Academia Aragonesa de la Lengua y la Chusticia d'Aragón mantienen una reunión pa refirmar lo convenio sinyau en 2023.

Lo president y lo secretario de l'Academia Aragonesa de la Lengua, Javier Giralt y Juan Pablo Martínez, se reunioron lo 25 de febrero con a Chusticia d'Aragón, Concepción Gimeno Gracia, en o Palacio de Armijo, la siede d'esta zaguera institución. La chusticia d'Aragón estió acompanyada de l'asesor caporal, Javier Oliván y de Carmen Rivas, directora de gabinet de la institución. 

Lo motivo d'a reunión estió presentar l'Academia y la suya fayena a la nueva titular d'o Chusticiau y refirmar l'acuerdo sinyau en 2023 entre las dos institucions pa fomentar la protección y promoción d'as luengas y modalidaz lingüisticas propias d'a comunidat autonoma. Tamién s'acordó que l'Academia continará asesorando a lo Chusticiau sobre afers relacionaus con a realidat lingüistica d'Aragón y se parló sobre futuras actividaz conchuntas.